ក្តៅៗ! រដ្ឋាភិបាលចិន ប្រកាសផ្តល់ជំនួយវ៉ាក់សាំង ដល់កម្ពុជាបន្ថែមទៀត ចំនួន…

ស្ថានទូតចិនប្រចាំនៅកម្ពុជា បានប្រកាសនៅព្រឹកថ្ងៃទី១៣ ខែមេសា ឆ្នាំ២០២១នេះថា រដ្ឋាភិបាលចិន ផ្តល់ជំនួយវ៉ាក់សាំងកូវីដ១៩ ស៊ីណូហ្វាម ចំនួន ៤០ម៉ឺនដូសបន្ថែមទៀត ដល់រាជរដ្ឋាភិបាលកម្ពុជា។ វ៉ាក់សាំងទាំងនេះ នឹងដឹកមកដល់ប្រទេសកម្ពុជា នៅចុងខែមេសា ឆ្នាំ២០២១នេះ។សូមបញ្ជាក់ថា រដ្ឋាភិបាលចិន បានផ្តល់វ៉ាក់សាំងស៊ីណូហ្វាមចំនួន ១.៣លានដូសរួចហើយមកដល់កម្ពុជា។ពាក់ព័ន្ធនឹងការផ្តល់ជំនួយវ៉ាក់សាំងនេះដែរ ឯកអគ្គរដ្ឋទូតចិនប្រចាំនៅកម្ពុជា លោក វ៉ាង វិនធាន ធ្លាប់បានអះអាងថា ចិន និងកម្ពុជាជាបងប្អូនល្អនឹងគ្នា ដែលប្រៀបដូចដៃ និងជើង គឺជាមិត្តល្អនឹងគ្នា ដែលតែងជួយគ្នាទៅវិញទៅមក។ ដរាបណាជំ-ងឺ-កូ-វី-ដនៅក្នុងប្រទេសកម្ពុជាមិនទាន់បញ្ចប់ ការផ្តល់ជំនួយរបស់ចិនមកកាន់ប្រទេសកម្ពុជាក៏មិនអាចបញ្ឈប់បានឡើយ។

~

ក្នុងការប្រយុ-ទ្ធប្រឆាំ-ងនឹងជំ-ងឺ-វី-រុ-ស-កូ-វី-ដ ប្រជាជនចិនបន្តគាំទ្រជាមួយប្រជាជនកម្ពុជាជានិច្ច។សម្តេចតេជោ ហ៊ុន សែន ក៏ដូចជាប្រជាពលរដ្ឋកម្ពុជា ធ្លាប់បានបង្ហាញនូវការអរគុណយ៉ាងជ្រាលជ្រៅចំពោះជំនួយវ៉ាក់សាំង ដែលជំនួយដ៏មានតម្លៃមិនអាចកាត់ថ្លៃនាពេលនេះ។សម្តេចតេជោ បានគូសបញ្ជាក់ថា វ៉ាក់សាំងរបស់ចិន នឹងមិនអាចមកដល់ប្រទេសកម្ពុជានោះឡើយ បើគ្មានការកសាងទំនាក់ទំនងល្អជាមួយគ្នាទេនោះ។ ជាពិសេសគឺការត្រួសត្រាយផ្លូវប្រកបដោយព្រះបញ្ញាញាណរបស់ព្រះបរមរតនកោដ្ឋ នរោត្តម សីហនុ និងថ្នាក់ដឹកនាំចិនជាន់មុន ហើយត្រូវបានថែបំប៉នដោយយកចិត្តទុកដាក់ ដោយថ្នាក់ដឹកនាំរាជរដ្ឋាភិបាលកម្ពុជា ដឹកនាំដោយសម្តេច និងថ្នាក់ដឹកនាំចិននាពេលបច្ចុប្បន្ន៕

~

Leave a Reply

Your email address will not be published. Required fields are marked *